ધારાસભ્ય કુંવરજીભાઈ હળપતિના વરદ્દ હસ્તે માંડવીના સાલૈયા ગામ ખાતે વિવિધ યોજના અંતર્ગત મંજુર થયેલા રૂ.૨૩.૭૮ કરોડના કામોનું ખાતમુહૂર્ત કરાયું

ધારાસભ્યશ્રી કુંવરજીભાઈ હળપતિના હસ્તે માંડવી તાલુકાના સાલૈયા ગામ ખાતે માર્ગ અને મકાન વિભાગ (પંચાયત) દ્વારા મંજૂર કરાયેલા રૂ.૨૩.૭૮ કરોડના કામોનું ખાતમુહૂર્ત કરાયું હતું. જેમાં કોલીફળિયા ટીટોઈને જોડતા મહત્વપૂર્ણ નવા પુલના નિર્માણ કામનો સમાવેશ થાય છે.

આ પ્રસંગે ધારાસભ્યશ્રી કુંવરજીભાઈ હળપતિએ જણાવ્યું હતું કે, માંડવી વિકાસના કામોમાં હરણફાણ ભરી રહ્યું છે.માંડવીના દરેક ગામોમાં વિકાસ કરી રમણીય બનાવાનો મારો સંકલ્પ છે. ગુજરાત સરકાર નાનમાં નાના વ્યક્તિનો વિચાર કરીને એ દિશામાં કામ કરી રહી છે.ગ્રામ્ય અને શહેરી નાગરિકોની સુખ-સુવિધા માટે રાજ્ય સરકારે વિકાસકામોની ગતિ અટકે નહીં એવું લક્ષ્ય સેવ્યું છે.

વધુમાં ઉમેર્યું કે, પુલો અને રસ્તાઓના નિર્માણથી ગ્રામ્ય જનતાની યાતાયાતની સુવિધામાં વધારો થશે, તેમજ બાકી રહેલાં કામોને આગામી સમયમાં પ્રાથમિકતા આપી ઝડપભેર પૂર્ણ કરવામાં આવશે. આ પ્રસંગે માંડવી તાલુકા પંચાયત પ્રમુખશ્રી દિલીપભાઈ ચૌધરી, તાલુકા સંગઠન પ્રમુખશ્રી અનિલભાઈ ચૌધરી, APMC ચેરમેનશ્રી લલ્લુભાઈ ચૌધરી, સરપંચ એસોસિયેશનના પ્રમુખશ્રી કમલેશભાઈ ચૌધરી, તાલુકા સંગઠન મહામંત્રી છનાભાઈ વસાવા તથા અલ્પેશભાઈ પટેલ, સહિત સરપંચશ્રીઓ અને પ્રજાજનો ઉપસ્થિત રહ્યા હતા.