ગુજરાત વડી અદાલતના ન્યાયમૂર્તિ શ્રીમતી સુનિતા અગ્રવાલ અને જજ શ્રી એ.એસ.સુપૈયાના હસ્તે ઇમરજન્સી મેડિકલ ફેસિલીટી સેન્ટરનુ કરાયું ઈ-લોકાર્પણ

સુરત જિલ્લા ન્યાયાલય સંકુલમાં ઇમરજન્સી મેડિકલ ફેસિલીટી સેન્ટરનુ ઈ-લોકાર્પણ ગુજરાત વડી અદાલતના ન્યાયમૂર્તિ શ્રીમતી સુનિતા અગ્રવાલ અને સુરત જિલ્લાના એડમિનિસ્ટ્રેટીવ જજ શ્રી એ.એસ.સુપૈયાના હસ્તે કરવામાં આવ્યું હતું.

જિલ્લા ન્યાયાલના સંકુલમાં બહોળી સંખ્યામાં આવતા પક્ષકારો, વકીલો તથા કર્મચારીઓને હેલ્થ ઈમરજન્સીની કોઇ સ્થિતી ઉભી થાય તેવા સંજોગોમાં સુરત મનપાના સહયોગથી અઠવાલાઈન્સ જિલ્લા કોર્ટ સંકુલમાં ઈમરજન્સી મેડિકલ સેન્ટર શરૂ કરાયું છે, જેમાં આરોગ્ય અધિકારી કોર્ટ સમય દરમ્યાન ફરજ ઉપર હાજર રહી જરૂરી સેવા પૂરી પાડશે.ઉલ્લેખનીય છે કે તા. ૯-૧૧-૨૦૨૩ ના રોજ ગુજરાત વડી અદાલતમાં મેડિકલ ફેસેલીટી શરૂ થયા બાદ સિટી સિવિલ કોર્ટ-અમદાવાદ અને સુરત જિલ્લા કોર્ટ એમ બે જ અદાલતોમાં મેડિકલ સેન્ટર શરૂ થયા છે. ન્યાયમૂર્તિ શ્રી એ.એસ.સુપૈયાએ જિલ્લા કોર્ટ તથા સુરત મનપાને આ સેન્ટર શરૂ કરવા માટે અભિનંદન પાઠવ્યા હતા.

આ પ્રસંગે સુરત મ્યુ. કમિશનર શાલિની અગ્રવાલ, મુખ્ય જિલ્લા ન્યાયાધિશ આર.એ.ત્રિવેદી, જિલ્લા સરકારી વકીલ એન.એમ.સુખડવાલા, સુરત જિલ્લા વકીલ મંડળના પ્રમુખ બ્રિજેશ પટેલ તથા ન્યાયિક અધિકારીઓ હાજર રહ્યા હતા.