ગુજરાત રાજ્યના પોલીસ કર્મચારીઓ માટે સ્વતંત્ર “પોલીસ યુનિયન/પોલીસ એસોસિયેશન” ને સત્તાવાર માન્યતા આપવા માટે આદેશ સાબળે દ્વારા સરકારને રજૂઆત કરાઈ

ગુજરાત રાજ્યના પોલીસ કર્મચારીઓ ૨૪ કલાક, ૩૬૫ દિવસ કાયદો અને વ્યવસ્થા જાળવવા, લોકોની સુરક્ષા માટે, તેમજ રાજ્યના ગૌરવ અને શાંતિને મજબૂત રાખવા માટે એકાગ્રતાની ભાવના સાથે ફરજ બજાવે છે. હું આદેશ સાબળે ગુજરાત પોલીસ ના હિતેચ્છુ આપ સાહેબશ્રીને નમ્ર વિનંતી સાથે જણાવું છું કે, હાલ ગુજરાત પોલીસના અધિકારીશ્રીઓ તથા કર્મચારીશ્રીઓ ની કુશળતા તથા નીડરતાના કારણે ગુજરાત રાજય ખુબ જ સલામત છે અને હાલ રાજયની કોઇપણ મહિલા રાત્રે ૨-૦૦ વાગે શહેરમાં ફરી શકે છે પરંતુ કોર્ટ કચેરીમાં પોલીસ અધિકાશ્રીઓ તથા કર્મચારીશ્રીઓ ને હાલ જે પડતી અગવડતા વિશે હું આપને જણાવવા માંગું છું કે ગુજરાત પોલીસ વર્ષો સુધી મહેનત કરીને છુપા વેશ ધારણ કરીને આરોપીઓને જીવના જોખમે પકડી લાવે અને તરત જ તેઓને કોર્ટમાં જામીન મળી જાય છે. જેથી ગુજરાત પોલીસની મહેનત બાતલ જાય છે. હાલ મર્ડરના બનાવ લુંટના બનાવ તથા દારુના બનાવ ખુબ જ વધે છે પરંતુ ગુજરાત પોલીસ તેની સામે નિષ્ક્રીય નથી તેઓ ખુબ બહાદુરીથી અને ઇમાનદારીથી આ બધાં જ ગુનેગારોને થોડા જ દિવસોમાં પકડીને કાયદાનું ભાન કરાવીને સરઘસ કાઢે છે ત્યારે રાજકીય કે બિન રાજકીય વ્યક્તિઓ તેમના પર દબાવ નાખે છે અને ઘણી વખત તો એવા ઈમાનદાર પોલીસ કર્મચારીઓ/અધિકારીઓને સજા કરે છે.

હંમેશા ગરીબ શ્રમિક અને જરૂરતમંદ માટે લઢો આપનાર, કટાક્ષ લખાણ અને જરૂરતમંદ લોકો માટે સરકાર સાથે કાનૂની સંઘર્ષ કરતા આદેશ સાબળે એમને અમારા પ્રતિનિધિ સાથે વાત કરતા એમને જણાવેલ હતું કે, ગુજરાત રાજ્ય સરકાર એઅમને પોલીસ પ્રશાસન ની વેદના ખુબજ ગંભીરતાથી અને સંવેદનશીલતા સ્વરૂપે લેવા જેવી છે. જેથી કરીને ગુજરાત પોલીસને કાયદો અને વ્યવસ્થા જાળવવામાં ગુજરાત હાઇકોર્ટ તથા નીચલી કોર્ટો તથા સરકારશ્રી તથા ગૃહમંત્રીશ્રી કાયદાકીય રીતે ખુબ જ સાથ સહકાર આપે તે જરૂરી છે. જો ગુજરાત પોલીસને કાયદો અને વ્યવસ્થા જાળવવામાં સરકાર અને કોર્ટ કચેરી જો સહકાર આપે તો ગુજરાતમાં એક પણ ગુનેગાર ટકે શકે નહિ. વધુમાં એમને જણાવેલ હતું કે, કેટલાક પોલીસ કર્મચારીઓ/અધિકારીઓને એક સરખો રજા પગાર તથા ઓવર ટાઇમ મળે તેવી રજુઆત કરવી જોઇએ એવું મારુ માનવું છે. ઈમાનદાર પોલીસ પ્રશાસન વગરના સમાજની સંકલ્પના કરવું ખરેખર ખુબજ ભયાનક છે. તેમ છતાં પોલીસ બળમાં ઘણીવાર અનેક પરિસ્થિતિઓનો સામનો કરવો પડે છે. જેમ કે, વ્યક્તિગત તેમજ વ્યાવસાયિક સ્તરે અન્યાય, અયોગ્ય ટ્રાન્સફર/પોસ્ટિંગ અને દબાણ, મૂળભૂત કલ્યાણ અને હક્કોથી સંબંધિત મુદ્દાઓને રજૂ કરવા માટે સ્વતંત્ર મંચનો અભાવ, આરોગ્ય, રહેઠાણ, ફરજના કલાકો, આરામના હકો જેવી વેલફેર બાબતો અંગે કોઈ મજબૂત પ્રતિનિધિત્વ ન હોવું, ડીયુટી દરમ્યાન થયેલી ઈજા, તાણ સ્ટ્રેસ, ડિપ્રેશન જેવી માનસિક સમસ્યાઓ અંગે સંસ્થાગત મદદનો અભાવ, પોલીસ પરિવારને મળતી કેટલીક સહાય હોવા છતાં તે અંગે પારદર્શિતા અને અસરકારક અમલ ન થવો આવા અનેક બાબતોનો સમાવેશ થાય છે.

વધુમાં આદેશ સાબળે દ્વારા જણાવેલ હતું કે, આ પરિસ્થિતિમાં, રાજ્યના તમામ પોલીસ કર્મચારીઓને એક કાયદાકીય રીતે માન્ય પોલીસ યુનિયન/પોલીસ એસોસિયેશનનું રક્ષણ મળવું અત્યંત જરૂરી છે. આઈશ સાબળે દ્વારા ગુજરાત પોલીસ ના હિત અને અધિકાર માટે સરકાર સાથે કાયદાકીય સ્વરૂપે માંગણીઓ કરેલ હતી. જેમાં પોલીસ કર્મચારીઓ માટે સત્તાવાર રીતે “પોલીસ યુનિયન/પોલીસ સ્ટાફ એસોસિયેશન” ને માન્યતા આપે. જેથી દરેક પોલીસ કર્મચારી પાસે પોતાના હકો, સમસ્યાઓ અને વેલફેર મુદ્દાઓ રજૂ કરવાનો સ્વતંત્ર અને સુરક્ષિત મંચ ઉપલબ્ધ થાય, યુનિયન દ્વારા કરવામાં આવતી રજૂઆતને કાયદાકીય રીતે માન્યતા અને સુરક્ષા આપવામાં આવે. જેથી કોઈ પણ પોલીસ કર્મચારીને ફરિયાદ કરવાના કારણે કોઇ જાતનું નુકસાન કે બદલી/દબાણ સહન ન કરવું પડે, યુનિયન મારફતે જરૂરી મુદ્દાઓ ફરજના કલાકો, રજા, મેડિકલ વેલફેર, રહેઠાણ, ટ્રેનિંગ અને માનસિક સ્વાસ્થ્ય – અંગે નિયમિત ચર્ચા માટે સરકાર–યુનિયન સંયુક્ત સમિતિ રચવામાં આવે, અન્ય રાજ્યઓમાં અમલમાં રહેલ પોલીસ એસોસિયેશનોના ધોરણે ગુજરાતમાં પણ લોકશાહી પદ્ધતિથી યુનિયનના પ્રતિનિધિઓની પસંદગીની વ્યવસ્થા બનાવવામાં આવે તેવા બાબતોનો સોમેશ કરેલ હતો.

હંમેશા કાયદાકીય લઢાઈ લઢનારા અને ન્યાય હક્ક અધિકાર સાથે દરેક વર્ગ માટેના આવાજ ઉઠાવાર આદેશ સાબળે દ્વારા જણાવેલ હતું કે, પોલીસ કર્મચારી પર સતત દબાણ અને જોખમ હોય છે; તેમને કાયદેસર વાણી આપવી જરૂરી છે. યુનિયન થવાથી વહીવટ પારદર્શક અને જવાબદાર બને છે. પોલીસ પરિવારોને વેલફેર, મેડિકલ, શિક્ષણ, વીમા, હાઉસિંગ જેવા મુદ્દાઓમાં ઝડપી અને ન્યાયપૂર્ણ સહાય મળે છે. કોઈ પોલીસ કર્મચારીને અન્યાય થાય તો તેનું સંસ્થાગત રક્ષણ ઉભું રહે છે. યુનિયન એ સરકાર અને પોલીસ બળ વચ્ચે બ્રિજની ભૂમિકા ભજવે છે.આ મુદ્દાઓને ધ્યાને રાખીને, રાજ્યના પોલીસ કર્મચારીઓના ભલાઈ, હિત અને માનવિય દૃષ્ટિકોણથી ગુજરાત પોલીસ યુનિયનને સત્તાવાર માન્યતા આપવા વિનંતી છે. આ પગલું રાજ્યના પોલીસ તંત્રને વધુ મજબૂત, પારદર્શક અને માનવ કેન્દ્રિત બનાવશે.

__

બોક્સ: [એક્ટિવિસ્ટ આદેશ સાબળે દ્વારા સુરત જિલ્લા કલેક્ટર અને મેજિસ્ટ્રેટ અને સુરત શહેર પોલીસ કમિશ્નર એમના મારફતે મહામહિમ રાજ્યપાલશ્રી, ગુજરાત રાજ્યના મુખ્યમંત્રીશ્રી, ગુજરાત રાજ્યના ઉપ મુખ્યમંત્રીશ્રી, (ગૃહ ખાતું), ગુજરાત રાજ્યના કાયદા મંત્રીશ્રી, ગુજરાત સરકારના મુખ્ય સચિવશ્રી, ગુજરાત સરકાર કર્મચારીગણ પ્રભાગના અધિક મુખ્ય સચિવશ્રી, ગુજરાત સરકારના ગૃહ સચિવશ્રી, ગુજરાત રાજ્ય માનવ અધિકાર આયોગ, તેમજ પોલીસ મહાનિદેશક અને મુખ્ય પોલીસ અધિકારી ડીજીપી એમને ગુજરાત પોલીસ નિયમ સંગ્રહ ૧૯૭૫ ભાગ-૧ ના નિયમ ૨૫૭(૧) મુજબ પોલીસ કલ્યાણ (પોલીસ વેલ્ફેર) પ્રવૃત્તિ સબંધિત તેમજ ધી ગુજરાત પોલીસ એક્ટ ૧૯૫૧ ના ગુજરાત પોલીસ મેન્યુઅલ એક્ટ ૧૯૬૦ ના પ્રકરણ ૮ ની જીપીએફ અનુસંધાને આ રજૂઆત કરેલ હતી.

બોક્સ:

ભારતીય બંધારણન આર્ટિકલ ૧૯(૧)(સી) અનુસાર આ જોગવાઈ બધા નાગરિકોને "સંગઠનો, સંઘો અથવા સહકારી મંડળીઓ બનાવવાનો" અધિકાર આપે છે. આ વ્યક્તિઓને સામૂહિક રીતે સામાન્ય ધ્યેયો અને હિતોને અનુસરવાની મંજૂરી આપે છે, જેમ કે ટ્રેડ યુનિયનો, સામાજિક, સાંસ્કૃતિક, આર્થિક અથવા રાજકીય સંગઠનો એમનો સમાવેશ થાય છે, છતાં પણ ગુજરાત રાજ્યના પોલીસ કર્મચારીઓને યુનિયન કેમ બનાવામાં આવતી નથી?

બોક્સ:

[ભારતીય બંધારણમાં યુનિયન બનાવવાનો અધિકાર એક મૂળભૂત અધિકાર છે, જેની ખાતરી કલમ ૧૯(૧)(સી)હેઠળ આપવામાં આવી છે. આ અધિકાર સ્વતંત્રતાના અધિકારનો મુખ્ય ઘટક છે, જે બંધારણના ભાગ III માં દર્શાવેલ છે: આદેશ સાબળે.]