વરાછામાં ગેરકાયદે દબાણ દૂર કરવા મેયર - પોલીસ કમિશનર મેદાને
Posted On: |1 min read

સુરત શહેરના વરાછા વિસ્તારમાં મોટાભાગે ટ્રાફિકની સમસ્યાઓ વારંવાર જોવા મળે છે. વરાછા વિસ્તારમાં રોડ પરના દબાણો દૂર કરવાના હેતુસર માન. મેયર શ્રી દક્ષેશ માવાણી એ પોલીસ કમિશનર શ્રી અનુપમસિંહ ગેહલોત તેમજ વરાછા અને સરથાણા ઝોનના ઉચ્ચ અધિકારીશ્રીઓ સાથે સંયુક્ત સ્થળ મુલાકાત લીધી. વિઝિટ દરમિયાન ખાસ કરીને વરાછા મેઈન રોડ (બ્રિજ નીચે), પોદાર આર્કેડથી હીરાબાગ સર્કલ, હીરાબાગ સર્કલથી સરથાણા જકાતનાકા, હીરાબાગ સર્કલથી વલભાચાર્ય રોડ - આ તમામ રૂટ પર થતા ગેરકાયદેસર દબાણોનું નિરીક્ષણ કરી, ટ્રાફિકને અડચણરૂપ દબાણો તાત્કાલિક દૂર કરવા અને કડક કાર્યવાહી કરવા અધિકારીશ્રીઓને સ્પષ્ટ સૂચના આપી હોવાનું જાણવા મળે છે.

