ખેડૂતોના ન્યાય અને અધિકાર માટે બનાસકાંઠામાં AAP દ્વારા 30 નવેમ્બરે કિસાન મહાપંચાયતનું આયોજન
આમ આદમી પાર્ટીના કાર્યકારી અધ્યક્ષ રમેશ પટેલે 30 તારીખે બનાસકાંઠામાં યોજાનાર કિસાન મહાપંચાયત મુદ્દે એક પત્રકાર પરિષદનું આયોજન કર્યું હતું. આ પત્રકાર પરિષદમાં ડીસાના કોર્પોરેટર વિજય દવે અને AAP નેતા સુરેશ દેવડા પણ ઉપસ્થિત રહ્યા હતા. કાર્યકારી અધ્યક્ષ રમેશ પટેલે પત્રકાર પરિષદ સંબોધતા જણાવ્યું હતું કે, આમ આદમી પાર્ટી એ ખેડૂતોને હક અને અધિકાર અપાવવા માટે સમગ્ર ગુજરાતમાં કિસાન મહાપંચાયતનું આયોજન કર્યું છે જેની શરૂઆત પહેલા બોટાદ પછી સૌરાષ્ટ્ર પછી દક્ષિણ ગુજરાતમાં કિસાન મહાપંચાયતનું આયોજન કરવામાં આવ્યું હતું અને હવે ઉત્તર ગુજરાતના ખેડૂતોને પણ આ કડદામાંથી બચાવવા માટે બનાસકાંઠામાં પણ એક કિસાન મહાપંચાયતનું આયોજન કરવામાં આવ્યું છે. 30 નવેમ્બરે, સવારે 10:00 કલાકે ડીસા પાલનપુર હાઈવે પર ચડોતર ગામમાં કિસાન મહાપંચાયતનું આયોજન કરવામાં આવ્યું છે. તો હું ઉત્તર ગુજરાતના તમામ રીત ખેડૂતોને વિનંતી કરું છું કે તમે પણ આ કિસાન મહાપંચાયતમાં ઉપસ્થિત રહેશો. આ લડાઈ કોઈ કામ આદમી પાર્ટીની લડાઈ નથી આ ખેડૂતોના હક અને અધિકારો માટેની લડાઈ છે તો તમે સૌ આવો આપણે સૌ સાથે મળી આ લડાઈ લડીએ. અમારા પ્રદેશ અધ્યક્ષ ઈસુદાન ગઢવી,વિસાવદરના ધારાસભ્ય ગોપાલ ઇટાલીયા, ડેડિયાપાડાના ધારાસભ્ય ચૈતર વસાવા, પ્રદેશ સંગઠન મહામંત્રી મનોજ સોરઠીયા, પ્રદેશ મહામંત્રી અને ખેડૂત નેતા સાગર રબારી, પ્રદેશ ઉપપ્રમુખ ગૌરી દેસાઈ તથા અમારા સમગ્ર બનાસકાંઠા જિલ્લાના આગેવાનો આ કિસાન મહાપંચાયતમાં ઉપસ્થિત રહેશે.
AAP કાર્યકારી અધ્યક્ષ રમેશ પટેલે વધુમાં કહ્યું હતું કે, છેલ્લા 30 વર્ષથી ગુજરાતમાં ભારતીય જનતા પાર્ટીનું શાસન છે પરંતુ ગુજરાતમાં અસંખ્ય એવા મુદ્દાઓ છે જેના લીધે આખું ગુજરાત તકલીફોમાં છે. એમાંનો એક મુદ્દો એટલે ખેડૂતો સાથે કરવામાં આવતો કડદો છે. ખેડૂતો સાથે કરવામાં આવતા કડદાની શરૂઆત બોટાદ માર્કેટ યાર્ડથી થઈ હતી. ખેડૂત પોતાના પાકનું વાવેતર કરે અને પછી માર્કેટયાર્ડ સુધી લઈને આવે ખેડૂતે જે મહેનત કરી છે એનો લાભ ખેડૂતને મળવો જોઈએ પરંતુ એનો લાભ એપીએમસીમાં સત્તામાં બેઠેલા સત્તાધારી માણસો એ પછી ડિરેક્ટર હોય, ભાજપની પાર્ટીના સંગઠનના માણસો હોય, એપીએમસીના ચેરમેન હોય કે વેપારીઓ હોય એમને મળે છે. તેના વિરોધમાં બોટાદમાંથી આમ આદમી પાર્ટીના ગુજરાતના કિસાન સંઘના પ્રમુખ રાજુભાઈ કરપડા અને પ્રવીણ રામે આંદોલન શરૂ કર્યું. આજે ગુજરાતમાં લોકશાહી રહી નથી પરંતુ ભાજપશાહી રહી છે. સ્વાભાવિક રીતે કડદાથી ભાજપને લાભ થતો હોવાથી એમણે આડકતરી રીતે રાજુભાઈ કરપડા અને પ્રવીણ રામ અને અન્ય 85 ખેડૂતોને કેસમાં ફસાવીને જેલના હવાલે કરી દીધા. જેના વિરોધમાં આમ આદમી પાર્ટી સમગ્ર ગુજરાતમાં કિસાન મહાપંચાયતનું આયોજન કરી રહી હોવાનું જાણવા મળે છે.