મતદારયાદીનો ખાસ સધન સુધારણા કાર્યક્રમ અંતર્ગત તા.૨૯ અને તા.૩૦મી નવેમ્બરના રોજ સુરત જિલ્લાની તમામ વિધાનસભાઓમાં ખાસ કેમ્પોનું આયોજન

ભારતીય ચૂંટણીપંચ દ્વારા મતદારયાદીનો ખાસ સધન સુધારણા કાર્યક્રમ જાહેર કરાયો છે. જે અંતર્ગત સુરત જિલ્લામાં ગણતરી ફોર્મની કામગીરી પુરજોશમાં ચાલી રહી છે. જો કોઇ મતદારનું ગણતરી ફોર્મ(EF)મેળવવાનું કે પરત આપવાનું બાકી રહી ગયું હોય તે માટે તા.૨૯/૧૧/૨૫(શનિવાર) અને તા.૩૦/૧૧/૨૫(રવિવાર)ના રોજ સુરત જિલ્લાની તમામ વિધાનસભાઓમાં જુદા જુદા સ્થળોએ ખાસ કેમ્પ યોજાશે.
ઓલપાડ વિધાનસભામાં ઓલપાડ તાલુકા મથકે મુખ્ય બજાર ખાતેના કોમ્યુનીટી હોલ જયારે સીટી વિસ્તારમાં કોસાડ ખાતે નાનુભાઇ દેસાઇ પ્રાથમિક શાળા ક્રમાંક ૫૧, બી.આર.સી. ભવનની બાજુમાં તેમજ નાગરિક સુવિધા કેન્દ્ર, મામલતદાર કચેરી અબ્રામા, સુદામા ચોક, મોટા વરાછા અને નાગરિક સુવિધા કેન્દ્ર, મહાનગરપાલિકા, ભેંસાણ ખાતે ફોર્મ સ્વીકારાશે.
માંગરોળમાં મામલતદાર અને તાલુકા પંચાયત કચેરી અને તરસાડી નગરપાલિકા તથા ઉમરપાડામાં મામલતદાર અને તાલુકા પંચાયત કચેરી ફોર્મ સ્વીકારાશે.માંડવીમાં મામલતદાર કચેરી ખાતે ખાસ કેમ્પ યોજાશે. કામરેજ વિધાનસભાના ફોર્મ મામલતદાર કચેરી અને આદર્શ નિવાસી શાળા, સરથાણા ખાતે ફોર્મ સ્વીકારાશે.
બારડોલી વિધાનસભા વિસ્તારમાં મામલતદાર કચેરી, કડોદ હાઈસ્કુલ કડોદ, પલસાણાની કડોદરા નગરપાલિકા કચેરી અને મામલતદાર કચેરી ખાતે કેમ્પ યોજાશે. મહુવા વિધાનસભા વિસ્તારમાં મામલતદાર કચેરીમ તાલુકા પંચાયત કચેરી અને તાપી જિલ્લામાં સમવિષ્ટ વાલોડની મામલતદાર કચેરી ખાતે ફોર્મ જમા કરાવાશે.
સુરત પૂર્વ વિધાનસભા વિસ્તારમાં બહુમાળી ખાતે સી-બ્લોકમાં ઝોન ઓફીસ પુરવઠા શાખાની કચેરી અને નાયબ કલેકટર સ્ટેમ્પ ડ્યુટી, સીટી વિભાગ-૧ ખાતે બહુમાળીના એ બ્લોકમાં મદદનીશ નોંધણીસર નિરીક્ષકની કચેરી તેમજ નાનપુરાની ટી.એન્ડટી.વી. સાર્વજનિક હાઇસ્કુલ ખાતે ખાસ કેમ્પ યોજાશે.
સુરત ઉત્તર વિધાનસભા વિસ્તારમાં કતારગામની એન.વી. ધમણવાલા સ્કુલ ખાતે ફોર્મ સ્વીકાર કરાશે. વરાછારોડ વિધાનસભા વિસ્તારમાં કાપોદ્રાની જે.બી.ધારૂકાવાલા મહિલા આર્ટસ કોલેજ અને હિરાબાગની પી.પી.સવાણી હાઈ સ્કુલ ખાતે કેમ્પ યોજાશે.
કરંજ વિધાનસભા વિસ્તાર ખાતે કેશુભાઈ પટેલ લાયબેરી અને એલ.એચ.રોડ સ્થિત આઈ. પી. સવાણી સ્કુલ ખાતે કેમ્પ યોજાશે. લિંબાયત વિસ્તારમાં બહુમાળીના સી બ્લોકમાં પહેલા માળે ડી.આઈ.એલ.આર અને એન. પી. લીલીયાવાળા સ્કુલ ખાતે ફોર્મ જમા કરાવાશે.
ઉધના વિધાનસભા વિસ્તારમાં જનસેવા કેન્દ્ર, મામલતદાર કચેરી ખાતે ફોર્મ જમા કરાવાશે.
મજુરા વિધાનસભા વિસ્તારમાં મામલતદાર કચેરી અને ઘોડદોડ રોડ સ્થિત સેન્ટ ઝેવિયર્સ સ્કુલ ખાતે ફોર્મ જમા કરાવાશે.
કતારગામ વિધાનસભા વિસ્તારના જનસેવા કેન્દ્ર,મામલતદાર કચેરી અને આંબાતલાવડી જેનસેવા કેન્દ્ર ખાતે ફોર્મ સ્વીકારાશે. સુરત પશ્ચિમ વિધાનસભા વિસ્તારના ઋપભ ચાર રસ્તા પાસેના દીવાળીબાગ કોમ્યુનીટી હોલ, રાંદેરની પીપરડીવાલા પ્રાથમિક શાળા, રાંદેર વેસ્ટ ઝોન ઓફીસ અને અડાજણના પરફોર્મીંગ આર્ટ સેન્ટર ખાતે કેમ્પ યોજાશે.
ચોર્યાસી વિધાનસભા વિસ્તારમાં સુડા ભવનના મતદાર નોંધણી અધિકારી અને નાયબ કલેકટર સુડાની કચેરી, જિલ્લા સેવા સદન-૨ના એ બ્લોકમાં મામલતદાર ચોર્યાસીની કચેરી, પાંજરાપોળ સ્થિત તાલુકા વિકાસ અધિકારીશ્રી ચોર્યાસીની કચેરી, સાઉથ ઝોન-બીની કચેરી (SMC) કનકપુર-કનસાડ, , ગૌરવપથ રોડ, પાલ ખાતેના અર્બન હેલ્થ સેન્ટર તેમજ હજીરા, સુંવાલી, શિવરામપુર, રાજગરી, કવાસ, સણીયાકણદે, ખરવાસા, એકલેરા-ભાણોદરાની ગ્રામ પંચાયત કચેરીઓ ખાતે ફોર્મ જમા કરાવી શકશે.
મતદારો ઉપરોક્ત સ્થળોએ સવારે ૧૦ થી સાંજે ૦૫ કલાક દરમ્યાન ખાસ કેમ્પનો લાભ લઇ ગણતરી ફોર્મ(Enumeration Form) લેવા કે પરત કરવાની કામગીરી કરી શકશે. તેમજ તેઓ આ સમય દરમિયાન હાજર કર્મચારીની મદદથી મેપિંગ-લિન્કીંગ કરાવી શકશે તથા જે મતદારોનું નામ અથવા માતા-પિતા/દાદા-દાદીનું નામ વર્ષ ૨૦૦૨ની મતદારયાદીમાં ન હોય તેવા કિસ્સામાં કયા પુરાવા રજુ કરવા તે અંગે માર્ગદર્શન પણ મેળવી શકશે એમ સુરતના અધિક જિલ્લા ચૂંટણી અધિકારીની યાદીમાં જણાવાયું છે.