રેર અર્થ્સ પર મોદી સરકારનો નિર્ણય, કેબિનેટે 4 મોટા પ્રોજેક્ટને મંજૂરી આપી

PM મોદીની અધ્યક્ષતામાં યોજાયેલી કેબિનેટની બેઠક દરમિયાન રેર અર્થ પરમેનન્ટ મેગ્નેટ મેન્યુફેક્ચરિંગ, પુણે મેટ્રોનું વિસ્તરણ, દેવભૂમિ દ્વારકા (ઓખા)-કાનાલુસ રેલ્વે લાઇનનું ડબલિંગ અને ત્રીજી અને ચોથી બાદલપુરા-કર્જત રેલ્વે લાઇન અંગે મોટા નિર્ણયો લેવામાં આવ્યા હતા. PM નરેન્દ્ર મોદીની અધ્યક્ષતામાં કેન્દ્રીય મંત્રીમંડળે આજે ₹7,280 કરોડની “રેર અર્થ પરમેનન્ટ મેગ્નેટ મેન્યુફેક્ચરિંગને પ્રોત્સાહન આપવા માટેની યોજના” ને મંજૂરી આપવામાં આવી હોવાનું જાણવા મળે છે. માહિતી અને પ્રસારણ મંત્રી (Minister of Information and Broadcasting) અશ્વિની વૈષ્ણવે જણાવ્યું હતું કે આ પ્રકારની પ્રથમ પહેલનો હેતુ ભારતમાં 6,000 મેટ્રિક ટન પ્રતિ વર્ષ (MTPA) સંકલિત રેર અર્થ પરમેનન્ટ મેગ્નેટ (REPM) ઉત્પાદન સુવિધા સ્થાપિત કરવાનો છે. આ આત્મનિર્ભરતા વધારશે અને ભારતને વૈશ્વિક REPM બજારમાં એક મહત્વપૂર્ણ ખેલાડી તરીકે સ્થાન આપશે.