રિયલ એસ્ટેટની 28 લિસ્ટેડ કંપનીઓનું છ માસમાં ₹ 92,500 કરોડની પ્રોપર્ટીનું વેચાણ!!

દેશમાં 28 લિસ્ટેડ રિવલ એસ્ટેટ કંપનીઓએ ચાલુ નાણાકીય વર્ષના પ્રથમ છ મહિના (એપ્રિલથી સપ્ટેમ્બર)માં રૂ.92,500 કરોડની પ્રોપર્ટીનું વેચાણ કર્યું છે. બેંગલુરુ સ્થિત પ્રેસ્ટિજ એસ્ટેટ્સે સૌથી વધુ વેચાણ બુકિંગ દર્શાવ્યું છે. ગત સમગ્ર નાણાકીય વર્ષ 2024-25 દરમિયાન, દેશની 26 અગ્રણી લિસ્ટેડ રિયલ એસ્ટેટ કંપનીઓએ રૂ.1.62 લાખ કરોડની પ્રોપર્ટીનું વેચાણ કર્યું હતું.
તમામ 28 કંપનીઓના રેગ્યૂલેટરી ફાઈલિંગમાંથી મળેલી વિગતો અનુસાર તેમનું કુલ પ્રોપર્ટી વેચાણ છ મહિનામાં રૂ.92,437 કરોડનું રહ્યું હતું.
દેશની સૌથી મોટી રિયલ એસ્ટેટ કંપની ડીએલએફ લિમિટેડે એપ્રિલથી સપ્ટેમ્બર દરમિયાન રૂ. 15,757 કરોડનું પ્રી-સેલ્સ દર્શાવ્યું છે. મુંબઈ સ્થિત ગોદરેજ પ્રોપર્ટીઝે રૂ. 15,587 કરોડનું બુકિંગ દર્શાવ્યું છે. લોઢા ડેવલપર્સે રૂ.9020 કરોડનું વચાણ દર્શાવ્યું છે. દિલ્હી-એનસીઆર સ્થિત સિગ્નેચર ગ્લોબલે આ ગાળામાં રૂ.4650 કરોડનું પ્રી-સેલ્સ દર્શાવ્યું છે. નોંધપાત્ર બાબત એ છે કે પાંચ ડેવલપર્સે એપ્રિલથી સપ્ટેમ્બરના આ છ મહિના દરમિયાન રૂ.63,000 કરોડની પ્રોપર્ટીનું વેચાણ કર્યું છે, જે 28 કંપનીઓના કુલ પ્રી-સેલ્સના 70 ટકા જેવું થાય છે. અન્ય લિસ્ટેડ કંપનીઓમાં શોભા લિમિટેડે આ ગાળામાં રૂ.3981 કરોડનું અને બ્રિગેડ એન્ટરપ્રાઈસીસે રૂ.3152 કરોડનું વેચાણ દર્શાવ્યું છે. ઓબેરોય રિયલ્ટએ રૂ.2938 કરોડનું તથા કલ્પતરુ લિમિટેડે રૂ.2577 કરોડનું વેચાણ કર્યું હતું. પૂર્વાંકરાએ રૂ.2455 કરોડ, કિસ્ટોન રિયલ્ટર્સે રૂ. 1839 કરોડ, સનટેક રિલ્ટીએ રૂ.1359 કરોડ અને આદિત્ય બિરલા રિયલ એસ્ટેટ રૂ. 13 12 કરોડનું પ્રી-સેલ્સ દર્શાવ્યું છે. કોલ્ટે-પાટિલ ડેવલપર્સે રૂ.1286 કરોડનું તો મહિન્દ્રા લાઈફસ્પેસ ડેવલપર્સે રૂ.1200 કરોડની પ્રોપર્ટીનું વેચાણ દર્શાવ્યું છે. શ્રીરામ પ્રોપર્ટીઝે રૂ.1126 કરોડનું પ્રી-સેલ્સ દર્શાવ્યું છે. બીજી તરફ રૂ. 1000 કરોડથી -ઓછાં પ્રી-સેલ્સની કેટેગરીમાં ઘણી કંપનીઓનો સમાવેશ છે જેમાં અજમેરા રિયલ્ટી (રૂ.828 કરોડ), રેમન્ડ રિયલ્ટી (રૂ.760 કરોડ), આશિયાના હાઉસિંગ (રૂ.734 કરોડ), એમ્બસી ડેવલપમેન્ટ્સ (રૂ.607 કરોડ), અમદાવાદ સ્થિત અરવિંદ સ્માર્ટસ્પેસીસ (રૂ.607 કરોડ), ટાર્ક (TARC) લિમિટેડ (રૂ.565 કરોડ)નો સમાવેશ છે. મુંબઈ સ્થિત અરિહંત સુપરસ્ટ્રક્ચર્સ અને દિલ્હી-એનસીઆર સ્થિત મેક્સ એસ્ટેટ્સ લિમિટેડનું વેચાણ બુકિંગ અનુક્રમે રૂ. 386 કરોડ અને રૂ. 373 કરોડ રહ્યું હતું.
ઉલ્લેખનીય છે કે નાણાકીય વર્ષ 2024-25 દરમિયાન, દેશની 26 અગ્રણી લિસ્ટેડ રિયલ એસ્ટેટ કંપનીઓએ રૂ.1,62 લાખ કરોડની પ્રોપર્ટીનું વેચાણ કર્યું હતું. ગત નાણાકીય વર્ષમાં ગોદરેજ પ્રોપર્ટીઝ વેચાણ બુકિંગની દ્રષ્ટિએ સૌથી મોટી કંપની તરીકે ઊભરી હતી. તેણે લગભગ રૂ.૩૦,૦૦૦ કરોડની પ્રોપર્ટીનું વેચાણ જાહેર કર્યું હોવાનું જાણવા મળે છે,