નવસારી-ભરુચ એક્સપ્રેસ-વે તા.31 ડિસેમ્બર સુધીમાં શરુ થઇ જશે!!

દિલ્હી-મુંબઈ એકસપ્રેસવેનું દક્ષિણ ગુજરાતમા ચાલી રહેલા કામની સમીક્ષા માટે કેન્દ્રીય મંત્રી નીતિન ગડકરીએ સુરતની મુલાકાત દરમિયાન સ્થાનિક નેતાઓ સાથેની વાતચીતમાં નવસારીથી ભરૂચ સુધીનો રોડ તા.૩૧ ડિસેમ્બર સુધી તૈયાર જવાની વાત કરી હતી. તેમજ એકસપ્રેસ-વે પર ઈલેકટ્રીક ટ્રક, બસ ચલાવવાનું આયોજન છે. કેન્દ્રીયમંત્રી આજે સવારે સુરત એરપોર્ટ પર પહોંચતા તેમણે મેયર સહિત સ્થાનિક નેતાઓ સાથે વાતચીત કરી હતી. જેમાં ગુજરાતમાં સૌથી વધુ સુરત શહેરમાં કુલ વાહનોના ૩૫ ટકા ઈ-વ્હીકલ ચાલતા હોવાની તેમજ સુરત શહેરે ઈ-વ્હીકલ પોલીસી લોન્ચ કર્યાની માહિતી જાણી કેન્દ્રીયમંત્રી પ્રભાવિત થયા હતા. દરમિયાન હાલ દિલ્હી-મુંબઈ એક્સપ્રેસ-1 વે અધુરો હોવાથી સુરતના વાહનચાલકોને નડતી મુશ્કેલી અંગે રજૂઆત થઈ હતી. વધુમાં કેન્દ્રીય મંત્રીએ જણાવ્યું હતું કે, નેશનલ એકસપ્રે હાઇવે- નવસારીથી ભરૂચ સુધીનો રોડ તા.૩૧ ડિસેમ્બર સુધીમાં તૈયાર થઇ જશે. એકસપ્રેસ વેનું કામ ઝડપથી પૂર્ણ કરવા માંગીએ છીએ. આગામી દિવસોમાં આ રોડ પર વાહનો વધુ કમ્ફર્ટેબલથી કેવી રીતે ચલાવી શકે? તે દિશામાં કામ કરી રહ્યાં છેતેવુ કેન્દ્રીયમંત્રી નિતીન ગડકરીએ જણાવ્યું છે.