સુરત શહેરમાં હવે બારેમાસ કેરીનો સ્વાદ રહેશે - બાબુભાઇ શેખ

સુરત એપીએમસીના ડિરેક્ટર બાબુભાઈ શેખે જણાવ્યું હતું કે,” ભારતમાં ત્રણ મહિના ઉનાળુ સિઝનમાં કેરીની લિમિટેડ આવક રહે છે.પણ વિદેશી કેરીની સુરતમાં હવે બારેમાસ આવક રહે છે.હાલ સુરત એપીએમસીમાં દક્ષિણ આફ્રિકાની મલાવી મેંગોનું આગમન થયું છે.આ કેરી એક ટ્રે માં 4 ડઝન 48 નંગ હોય છે એની કિંમત હોલસેલમાં 2500 રૂપિયા ચાલી રહી છે. નેચરલ લાલ કલર ધરાવનાર મલાવી મેંગો ખૂબ મીઠો સ્વાદ ધરાવે છે. આ કેરી સુરત એપીએમસીમાં નવેમ્બરથી જાન્યુઆરી સુધી ત્રણ મહિના આવે છે. એનો કેરીનો રસ, આઈસક્રીમ બને છે. અને ચોસલા પાડીને પણ ખાઈ શકાય છે. નવેમ્બર, ડિસેમ્બરમાં સુરતના શ્રીમંત લોકો લગ્નસરામાં કેરીનો રસ ખવડાવે છે.એ પ્રીઝવ રસ હોતો નથી એ મલાવી કેરીનો રસ હોય છે. છૂટકમાં આ કેરી 700 રૂપિયા કિલો મળી રહી છે છે.
બાબુભાઈ શેખ વધુમાં જણાવે છે કે, " આફ્રિકાની મલાવી મેંગો ટર્ન મહિના મળે છે.જ્યારે થાઈલેન્ડની આઈસ મેંગો 10 મહિના સુરતમાં મળી રહે છે.નામ એવા ગુણ હોવાથી એનો ઉપયોગ મેંગો આઈસક્રીમ અને લગ્નસરામાં ફ્રુટ આઇટમ તરીકે પણ થાય છે.આ કેરી એવરેજ મીઠી હોય છે.એની કિંમત 500 થી 600 રૂપિયે કિલો સાઈઝ વાઈઝ હોય છે.

બોક્ષ

સુરત એપીએમસીના ડિરેક્ટર બાબુભાઈ શેખ કહે છે કે, "માલાવી એક મુખ્ય આફ્રિકન કેરી ઉત્પાદક છે જે તેની કેરી દક્ષિણ આફ્રિકા અને અન્ય વૈશ્વિક બજારોમાં નિકાસ કરે છે. આ કેરીઓનું વેચાણ ભારતમાં "મલાવી મેંગોઝ” નામથી કરવામાં આવે છે. માલાવીના ઉત્પાદકોએ એક દાયકા પહેલા ભારતના રત્નાગિરીથી આયાત કરાયેલા કલમોનો ઉપયોગ કરીને ભારતીય આલ્ફોન્સો કેરીની જાતોનું સફળતાપૂર્વક વાવેતર કર્યું હતું. એક દાયકાના કારણે લોકપ્રિય ભારતીય આલ્ફોન્સો જેવો સ્વાદ અને પોત ધરાવતી કેરી મળી હતી.માલાવીમાં એક દાયકા પહેલાં ભારતના રત્નાગિરીથી આયાત કરાયેલા આલ્ફોન્સો ગ્રાફટ્સમાંથી કેરીની ખેતી કરવામાં આવે છે. દક્ષિણ આફ્રિકા ભારતીય બજારમાં 'ટોમી એટકિન્સ' જેવી અન્ય જાતોની નિકાસ પણ કરે છે.માલાવી અને દક્ષિણ આફ્રિકામાં લણણીની મોસમ (ઓક્ટોબરથી ડિસેમ્બર) કુદરતી ભારતીય કેરીની મોસમ (જાન્યુઆરીથી ઓગસ્ટ) સાથે ટકરાતી નથી, જે આયાતને લોકપ્રિય ઓફ-સીઝન પસંદગી બનાવે છે 2023 માં, માલાવીથી ભારતમાં તાજા અથવા સૂકા જામફળ, કેરી અને મેંગોસ્ટીનની નિકાસનું મૂલ્ય આશરે $239,090 હતું.