સગીર દીકરી સાથે શારીરિક છેડછાડ કરનાર પરણિત આરોપી પરવેઝ ઉર્ફે મોહમ્મદ મોઈન ગાડીવાલાની જામીન અરજી નામંજૂર

નવેમ્બર ૨૦૨૩ ના વર્ષમાં ફરિયાદી રહેમાનખાન ઇસ્લામખાન પઠાણ રહેવાસી શાહપોર,સૈયદવાડા, સુરત ની સર જે. જે. અંગ્રેજી માધ્યમ સ્કૂલમાં સગીરા દીકરી ધોરણ નવમાં અભ્યાસ કરતી હતી ત્યારે પાડોશી અને મહોલ્લાનો રઇસ પરવેઝ ઉર્ફે મોહમ્મદ મોઈન ગાડીવાલાએ સતત ટ્યુશન તથા સ્કૂલે જતી હતી ત્યારે મોટરસાયકલ પર પીછો કરી જણાવતો કે , મારી ગાડી પર બેસી જા, તું મને બહુ જ ગમે છે, તારી સાથે લગ્ન કરવા માગું છું, તને ખૂબ પ્રેમ કરું છું, કેમ મને રોજ ફોન કરતી નથી તેવું કહી ગળા ઉપર ચપ્પુ મૂકી બાહુ પાસ માં જકડી જાનથી મારી નાખવાની ધમકી આપેલ જે સંદર્ભ ની ફરિયાદ લાલગેટ પોલીસ સ્ટેશનમાં ભારતીય ન્યાય સંહિતાની જુદી જુદી કલમો હેઠળ તથા પોક્સો કાયદા હેઠળ તથા ગુજરાત પોલીસ એક્ટની કલમો લગાડી એફઆઇઆર દાખલ કરેલ.અને લાલા ગેટ પોલીસે પરવેઝ ઉર્ફે મોહમ્મદ મોઈનની ધરપકડ કરેલ અને કોર્ટે આરોપીને જેલ ભેગો કરેલ. આરોપીએ આઠમા એડિશનલ સેશન્સ જજ અને સ્પેશિયલ પોકસો કોર્ટના જજ હર્ષદ એસ. ખુટવડ સાહેબની કોર્ટમાં ભારતીય નાગરિક સુરક્ષા સંહિતા ૨૦૨૩ હેઠળ જામીન ઉપર મુક્ત થવા માટેની અરજી કરેલ.ફરિયાદી તરફે સરકારશ્રી વકીલ શ્રી એન. એમ. ચોડવડીયા તથા ખાનગી વકીલ જાવેદ એ. મુલતાનીએ કોર્ટને આરોપીને જામીન ઉપર મુક્ત ન કરવા જોઈએ તેવી દલીલો કરેલ અને કોર્ટે આરોપીની જામીન અરજી નામંજૂર કરવા માટે પોતાના હુકમમાં જણાવેલ કે, હાલના સંજોગોમાં પ્રથમ દર્શનીય રીતે આરોપીએ ગુનો કરેલ છે તેવું જણાય આવેલ છે, ભોગબનનારની ઉંમર ૧૭ વર્ષની છે, આરોપી ૩૦ વર્ષનો પરણિત છે, પોલીસ તપાસ ચાલુ છે,કેસની હકીકત સંજોગો જોતા આરોપીને જામીન ઉપર મુક્ત કરવું ન્યાયોચિત નથી જેથી આરોપીની જામીન અરજી નામંજૂર કરવામાં આવે છે તેવો હુકમ ફરમાવેલ.ફરિયાદી અને ભોગબનાર સગીર દીકરી ને કોર્ટમાં હાજર રાખી જામીન અરજી સામે વાંધા અરજી, એફિડેવિટ અને દસ્તાવેજી કાગળો વકીલ જાવેદ એ. મુલતાની એ રજૂ કરેલ અને જામીન અરજી નામંજૂર થયેલ હોવાનું જાણવા મળે છે.