190 કરોડની જીએસટી ટેક્સ ક્રેડિટ ચોરી કેસમાં આરોપીના જામીન મંજૂર કરતી કોર્ટ

અધધ રૂ.૧૯૦ કરોડની ઈનપુટ ટેક્સ ક્રેડિટ મેળવી સરકારને કરોડો રૂપિયાનો ચુનો ચોંપડવાના કેસમાં સીજીએસટી અને સેન્ટ્રલ એક્સાઈઝ સુરત વિભાગના તપાસ અધિકારીએ નિયત સમયમાં ચાર્જશીટ નહી કરી ગંભીર બેદરકારી દાખવતા આરોપી હાર્દિક ભટ્ટને સુરત ચીફ કોર્ટે ડિફોલ્ટ બેલનો લાભ આપ્યો હતો. આરોપી તરફે બચાવ પક્ષના વકીલ નદીમ ચોધરીએ કરેલી દલીલો કોર્ટે ધ્યાને લીધી હતી.આજે ડિફોલ્ડ બેલને લઇને કોર્ટમાં વકીલોમાં ભારે ચર્ચા ચાલી હતી. થોડા દિવસો પહેલા પણ ૨૩ કરોડથી વધુની સોનાની દાણચોરીના કેસમાં પણ ડીઆરઆઈએ એક આરોપી સામે ચાર્જશીટ નહી કરતા તેને પણ ડિફોલ્ટ બેલનો લાભ મળ્યો હતો.
પ્રાપ્ત માહિતી અનુસાર સુરત શહેરના અઠવાલાઈન્સ ખાતે આવેલી મેસર્સ જક્ષ ડિજિટલ સર્વિસીસ પ્રાઈવેટ લિમિટેડ કંપનીમાં સુરત, સીજીએસટી અને સેન્ટ્રલ એક્સાઈઝના અધિકારીઓએ તપાસ ધરી હતી. આ કંપનીએ કુલ ૭ નોન એક્ઝીસ્ટન્ટ અને નોન ઓપરેટનલ બોગસ અને બનાવટી પેઢીઓમાંથી વર્ષ ૨૦૧૭ થી ૨૦૨૫ દરમિયાન સરકાર પાસેથી ખોટી રીતે ૧૨૦૦ કરોડના ભોગસ ઈન્વોઈસ બનાવી રૂ.૧૯૦ કરોડની ઈન્ટપુટ ટેક્સ ક્રેડિટ મેળવી હતી. જેથી જય ડિજિટલ સર્વિસ પ્રાઈવેટ લિમિટેડના ડિરેક્ટર હાર્દિક ભટ્ટની સીજીએસટી અને સેન્ટ્રલ એક્સાઈઝ દ્વારા ધી ગુજરાત ગુડ્સ એન્ડ સર્વિસ ટેક્સ એક્ટ-૨૦૧૭ તથા સેન્ટ્રલ ગુડ્સ એન્ડ સર્વિસ ટેક્સ એક્ટની કલમો હેઠળ ગુનો નોંધી ધરપકડ કરાઈ હતી.
મળતી માહિતી મુજબ આ કેસની તપાસ ઈન્સ્પેક્ટર અજય સરસવા કરી રહ્યા હતા. સીજીએસટી અને સેન્ટ્રલ એક્સાઈઝ સુરત વિભાગે ૬૦ દિવસમાં આરોપી હાર્દિક ભટ્ટ વિરૂદ્ધ ચાર્જશીટ રજૂ કરી ન હતી. જેથી આરોપી હાર્દિક ભટ્ટના વકીલ ડિફોલ્ટ ભેલ મેળવવા કોર્ટમાં અરજી કરી હતી. સરકાર તરફે આરોપીની અરજી લગત રીપ્લાય દાખલ થઈ હતી અને આરોપીની અરજી ટકવાપાત્ર ન હોય તેને નામંજુર કરવા અરજ ગુજારી હતી. કોર્ટે બંને પક્ષની દલીલો ધ્યાને લઈ દઈ ડિફોલ્ટ બેલ મંજુર કરી દીધી હોવાનું એડવોકેડ નદીમ ચોધરીએ જણાવ્યું છે.