સાયબર ચિટિંગના કેસમાં જામીન નામંજૂર

સાયબર ચિટિંગના એક કેસમાં આરોપી મનીષ જીણા ગોયાણીની જામીન અરજી સુરત કોર્ટે નામંજૂર કરતો હુકમ કર્યો હતો. આ કેસમાં મૂળ ફરિયાદી તરફે એડવોકેટ રહીમ શેખે જામીન અરજીનો વિરોધ કર્યો હતો.

પ્રાપ્ત માહિતી અનુસાર આરોપીઓએ એકબીજાના મેળાપિપણામાં ફરિયાદીને શેર બજારમાં સારો નફો મળશે એવી લાલચ આપીને વિવિધ લિન્ક મોકલીને રોકાણ કરાવ્યુ હતુ. કુલ ૯૫ લાખ જેટલી માતબર રકમ રોકવામા આવી હતી અને વોલેટમાં રૂપિયા ચાર કરોડનો ફાયદો પણ બતાવતુ હતુ, આ રૂપિયા જ્યારે ફરિયાદીએ ઉપાડવાનો પ્રયાસ કર્યો ત્યારબાદના જે ઘટનાક્રમ તેના આધારે ફરિયાદીને પોતાની સાથે ચિટિંગ થયુ હોવાનું જણાવ્યું હતું.